Azedu.az
https://modern.az/ https://www.instagram.com/apak.az/
2023-03-10 10:43:00
500-dək müəllim sertifikasiya imtahanı barədə məlumatlandırılıb

Təhsilverənlərin sertifikatlaşdırılması ilə əlaqədar olaraq Təhsil İnstitutunun müəllimlərlə keçirdiyi maarifləndirici görüşlər davam edir.

 

AzEdu.az xəbər verir ki, növbəti görüş 9 mart tarixində Şirvan-Salyan Regional Təhsil İdarəsinin tabeliyində olan ümumi təhsil məktəblərinin Azərbaycan dili və ədəbiyyat, həmçinin ibtidai sinif müəllimləri ilə keçirilib. Görüş Salyan şəhəri 2 nömrəli tam orta məktəbdə baş tutub.

 

Hər iki ixtisas üzrə 500-ə yaxın müəllimin iştirak etdiyi görüşdə ARTİ MDPİM-in direktoru Nəzakət Mehdiyeva, Şirvan-Salyan RTİ-nin müdiri Sənan Mənsimli, ARTİ İRM-in əməkdaşı Fəridə Həsənli, fənn və metodika üzrə mütəxəssislər iştirak ediblər.

 

Görüşdə təhsilverənlərin sertifikatlaşdırılması imtahanının qiymətləndirmə çərçivəsi müəllimlərə izah edilib və onları maraqlandıran suallara aydınlıq gətirilib.