Dünya Bankının maliyyə və özəl kapital üzrə məsləhətçisi Patrick McGinnis UNEC tələbələri ilə görüşüb.
AzEdu.az xəbər verir ki,UNEC-in Beynəlxalq əməkdaşlıq departamentinin Layihələrin idarəolunması şöbəsinin müdiri Nərmin İbrahimovanın moderatorluğu ilə keçirilən görüşdə, Beynəlxalq əməkdaşlıq departamentinin direktoru vəzifəsini icra edən Turan Süleymanov və ABŞ-ın Azərbaycandakı səfirliyinin Mədəniyyət və təhsil üzrə müşaviri Salman Haci çıxış ediblər.
Sonra “Fear of Missing Out: Practical Decision-Making in a World of Overwhelming Choice” and “The 10% Entrepreneur” bestsellerlərinin müəllifi olan Patrick McGinnis tələbələrə sahibkarlıq, startap fəaliyyətləri və komanda işinin təşkili mövzusunda mühazirə deyib.
Tələbələrin böyük maraqla dinlədikləri mühazirədən sonra sual-cavab sessiyası olub.
