Noyabrın 8-də Marsol şirkətinin təşkilatçılığı, Kiçik və Orta Biznesin İnkişafı Agentliyi, Dövlət Məşğulluq Agentliyi, Sahibkarlar (İşəgötürənlər) Təşkilatları Milli Konfederasiyası, Kapital Bank və Moon Group şirkətinin tərəfdaşlığı ilə şirkətlər arasında "Marsol Zəfər Kuboku" intellektual yarışı keçirilib.
AzEdu.az xəbər verir ki, ümumilikdə 25 komandanın iştirak etdiyi yarışa UNEC THİK-in könüllüləri dəstək göstəriblər.THİK-in sədr müavini Günay Ağazadə və 10 fəal tələbəyə göstərdikləri könüllülük dəstəyinə görə yarışın sonunda Kapital Bankın Kiçik və orta sahibkarlarla iş departamentinin rəhbəri Nəsimi Xasıyev tərəfindən sertifikatlar təqdim edilib.
