Azedu.az
https://modern.az/ https://www.instagram.com/apak.az/
2022-05-23 12:53:00
Direktor və müavinləri də mütləq  sertifikasiyadan keçməlidirlər -Gözlənilməz  TƏKLİF

 

 

 

“Direktorların sertifikasiya prosesindən keçməsi olduqca vacibdir”.

 

Bu sözləri AzEdu.az-a açıqlamasında təhsil məsələləri üzrə mütəxəssis  Elşən Qafarov deyib.

 

İyundan müəllimlərin sertifikatlaşdırılması prosesinə başlanılacaq.

 

Bu məsələ direktorların və digər rəhbər işçilərin də bilik və bacarıqlarının yoxlanılması məsələsini gündəmə gətirib.

 

Direktor və müavinləri üçün də sertifikasiya keçirilə bilərmi?

 

 Elşən Qafarov məsələ ilə bağlı fikirlərini bildirib:

 

“Hazırda müəllimlərin sertifikatlaşdırılması prosesinə başlanılıb. Yaxın aylarda həmin məsələyə start veriləcək.

 

Bununla yanaşı direktor və  müavinlərinin  sertifikatlaşdırılması da həyata keçirilə bilər.  İşin tətbiqinə müəllimlər bu prosesdən keçdikdən  sonrakı dövrdə başlanıla bilər. Lakin elə vəziyyət yarana bilər ki, müəllimlər üçün nəzərdə tutulan sertifikasiyanın test mərhələsindən sonra direktor və müavinlərinə görə prosesə start verilsin.

 

Təhsili inkişaf edən bütün ölkələrdə müəllimlərin sertifikatlaşdırılması ilə yanaşı, təhsil sahəsində olan rəhbər şəxslərin də bilik və bacarıqları yoxlanılır. Hazırda olan vəziyyətə görə  direktor və  müavinləri  gələcək fəaliyyətlərini davam etdirmək istədikləri təqdirdə hökmən sertifikasiyadan keçməlidirlər. Bu, onların direktor kimi  sertifikatlaşması anlamına gəlməməlidir, çünki  onlar ayrı-ayrı fənlər üzrə müəllimlərdir. Onlar həmin fənlər üzrə müəllim olaraq  Təhsil Nazirliyinin müəyyən etdiyi  saat miqdarında dərs  keçmək istəyirlərsə, tədris etdiyi fənlər üzrə sertifikasiyadan keçməlidirlər. Onların direktor və müavin kimi sertifikatlaşdırılması Təhsil Naizrliyi tərəfindən həyata keçiriləcəkdir. Bununla bağlı addımların atılacağı gözlənilir”.

 

Ekpert direktorların sertifikasiyadan keçməsində nə kimi vacib məqamların olacağına aydınlıq gətirib:

 

“Direktorların sertifikatlaşdırılması təhsil və əmək qanunvericiliyi, o cümlədən məktəb işinin təşkili ilə bağlı nüansları özündə əks etdirə  bilər.

 

Ölkədə hazırda heç kim sertifikasiyadan keçməyib, elə direktorlar olur ki, onlar 20 ildən çox eyni məktəbdə fəaliyyət göstərir, lakin bu kimi hallar müəllimlərə də aid edilir. Sertifikasiyadan keçən hər təhsil işçisi 5 il  ümumtəhsil məktəbində işləmək hüququ alır. Düşünürəm ki, növbəti mərhələlərdə müəllimlərin də uzun müddət bir yerdə işləməsi məsələsinə baxılalacaq. Çünki müəllim 40 il bir yerdə işləyir və 65 yaşına çatan zaman  işdən ayrılmalı olur və bu, ona çox böyük psixoloji sarsıntı yaşadır. Müəllim 5 ildən bir iş yerini dəyişsə, uzun illər bağlandığı yerə olan marağı azalacaqdır.

 

İşində uğur qazanan direktor və  müavinləri isə  daha inkişaf edən məktəblərə  irəli çəkilməlidir. Uğur qazana bilməyənlər isə  daha kiçik təhsil müəssisələrinə yerdəyişmə etməlidir”.

 

 

Şükufə Süleymanlı
Müəllifin digər yazıları