https://www.zirve.edu.az/ http://unec.edu.az/unec-de-4-ilde-iki-diplom-udid-proqrami/
2021-07-21 11:40:00
Yalnız bu tələbələr təhsil kreditini ödəmək məcburiyyətində qalmayacaq-Təhsil eksperti açıqladı

“İstər pandemiya dövründə, istərsə də əvvəlki illərdə tələbələrin əsas problemlərindən biri təhsilhaqqı ilə bağlı olub. Bu problemi aradan qaldırmaq üçün 2015-ci ildə “Maarifçi” tələbə kredit fondu təsis edilib. Lakin, təəssüf ki, bu fonda bütün universitetler qoşulmadı. Beləliklə, “Maarifçi” tələbə kredit fondundan yalnız 10 təsisçi və 4 tərəfdaş universitetin tələbələri müəyyən edilmiş sayda yararlana bilərdi".

 

Bu fikirləri AzEdu.az-a açıqlamasında təhsil eksperti Adil Vəliyev söyləyib. O, vurğulayıb ki,tələbələr işləmədiyi və hərbi xidmətdə olduğu dövrlərdə təhsil kreditini ödəmək məcburiyətində olmayacaq:

 

"Banklar da tələbə kredit fondu adı altında müəyyən şərtlərlə kredit təklif edirdilər, amma faiz dərəcələri heç də digər kreditlərdən seçilmirdi. Bu baxımdan hazırda ölkə başçısı tərəfindən imzalanan fərman tələbələr üçün çox sevindirici xəbər olub. Kreditin məbləğinin yüksək olması daha çox tələbənin bu şansdan istifadə etməsinə səbəbb olacaq.Təbii ki, təhsil krediti müraciət edən bütün tələbələrə verilməyəcək. Çünki əsas meyarlar tələbənin giriş balı və yüksək göstəricisinin olmasıdır. Kredit tələbələrin müraciəti əsasında təhsil müəssisəsinə veriləcək və hər tədris ili üzrə tələbənin təhsil haqqı ödəniləcək. Verilən kreditin 20 il müddətinə qaytarılması nəzərdə tutulub.Onu da qeyd edim ki bu kredit növü hələ ki bakalavr və magistr tələbələri üçün nəzərdə tutulur və xaricdə təhsil alan tələbələr də bundan yararlana bilməyəcək. Bununla yanaşı, tələbənin hərbi xidmətdə olduğu və ya işləmədiyi zamanlarda krediti ödəmək kimi məcburiyyəti olmayacaq. Bu amilləri nəzərə alsaq, qəbul olunan qərar təhsil sahəsində atılan əhəmiyyətli addımlardan biridir”.