https://www.zirve.edu.az/
2021-03-29 17:39:00
  MİQ müsabiqəsindəki son dəyişikliklər – Bu il də tətbiq ediləcək?

 

 

Ötən il pandemiya səbəbi ilə müəllimlərin işə qəbulu müsabiqəsində bir sıra dəyişikliklər həyata keçirilib.

 

Bu da müəllimlərin COVİD-19 zamanı imtahan prosesində daha keyfiyyətli iştirakına şərait yaradıb.

 

AzEdu.az 2020-2021-ci tədris ili üçün müəllimlərin işə qəbulu müsabiqəsində olan dəyişiklikləri təqdim edir:

 

MİQ müsabiqəsinin test imtahan mərhələsi vahid bir mərkəzdə və ya regionlarda təşkil edilib:

 

Pandemiya ilə əlaqədar olaraq 2020-2021-ci tədris ili üzrə müəllimlərin işə qəbul müsabiqəsinin test imtahanı mərhləsi ənənəvi olaraq Bakı şəhərində- bir məkanda deyil, 17 şəhər və rayon üzrə 32 mərkəzdə təşkil edilib.

 

MİQ müsabiqəsinin test imtahan mərhələsində toplanılan balın 1 il qüvvədə qalması qəbul olunub:

 

2020-ci ildə qaydalara edilən dəyişikliyə əsasən, namizədlərin MİQ müsabiqəsinin test imtahanı mərhələsində topladığı bal 1 tədris ili ərzində qüvvədə qalıb.

 

MİQ müsabiqəsində iştirak edəcək kontingent müəyyənləşib:

 

Mövcud pandemiya vəziyyti ilə əlaqədar olaraq 2020-ci ildə keçirilən MİQ müsabiqəsində hazırda ümumitəhsil müəssisələrində müddətsiz müqavilə əsasında müəllim vəzifəsində çalışan şəxslərin iştirakı mümkün olmayıb.

 

Toqquşma hallarında bir sıra  əmsallar tətbiq edilib:

 

2020-2021-ci tədris ili üzrə müəllimlərin işə qəbulu müsabiqəsinin vakansiya seçimi mərhələsində topladığı balı brabər olan iki və daha çox namizəd eyni vakant yeri eyni sıralarda seçdikdə namizədlərin ixtisas balına, təhsilinə, pedoqoji stajına və faktiki yaşayış yeri məlumatlarına əsasən, imtahan ballarına müvafiq əmsallar tətbiq edilib.