Mingəçevir Dövlət Universitetinin (MDU) İqtisadiyyat və idarəetmə fakültəsinin II kurs tələbəsi Fəridə Rüstəmzadə Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ) adlı təqaüdünə layiq görülüb.
AzEdu.az-ın məlumatına görə, F.Rüstəmzadə sözügedən təqaüdü 2019/2020-ci tədris ilinin yaz semestrinin imtahan sessiyasında əldə etdiyi yüksək nəticələr və həmkarlar ittifaqı sahəsində fəallığı sayəsində qazanıb. O, respublika üzrə ATİAHİ-nin adlı təqaüdünün təqdim edildiyi 64 ali məktəb tələbəsindən biri olmağı bacarıb.
Qeyd edək ki, ATİAHİ-nin adlı təqaüdü tələbələrin elmə və təhsilə marağının artırılması məqsədilə təsis olunub.
