Təhsil Nazirliyinin əməkdaşları Nazirlər Kabinetinin yeni tədris ili ilə bağlı qərarlarının təhlili və ictimaiyyətə çatımı məqsədilə media nümayəndələri üçün onlayn mətbuat konfransı keçirib.

AzEdu.az xəbər verir ki, müzakirədə toxunulan məsələlərdən biri də orta məktəblərdəki ilk dərs günü ilə bağlıdır.

Nazirlər Kabinetinin “Karantin rejimi” dövründə təhsil müəssisələrində tədris və təlim-tərbiyə prosesinin təşkilinin müvəqqəti qaydaları” barədə qərarına həsr olunan onlayn mətbuat konfransında Təhsil Nazirliyinin Ümumi və məktəbəqədər təhsil şöbəsinin müdiri  Vəfa Yaqublu bu barədə vacib detala toxunub: 

“Ora məktəblərdə ilk dərs günləri hər hansı bir mövzuya həsr olunur.  Bu il ibtidai siniflərdə ilk dərs "Gigiyena qaydalarına necə əməl edirəm", V-IX siniflərdə "Müstəqil öyrənmə bacarığı", X-XI məsuliyyətli "Vətəndaş, qüdrətli dövlət" mövzularına həsr olunub”.