Azedu.az
https://modern.az/ https://www.instagram.com/apak.az/
2020-08-13 14:00:00
Seroloji testlərlə xəstələrdə bu əlamətlər müəyyən ediləcək - Professor

“Seroloji testlərin keçirilməsində bir çox vacib məqamlar var. Əsasən insanların bu xəstəliyi həqiqətən də keçirib-keçirməməyi, xroniki və ya kəskin fazada olması müəyyən edilir”.


Bunu  professor, həkim-cərrah Adil Qeybulla deyib.

 

Onun sözlərinə görə, seroloji testlər keçirildiyi zaman, əsasən, immunoqlobulinlər təyin olunur: “Bu testlər də elə bunun təyininə əsaslanır. Analizlər venadan alınan qan nümunələri əsasında həyata keçiriləcək. Bundan sonra mütəxəssislər tərəfindən tibbi və statistik təhlillər aparılacaq. Bu testlərdə iştirak edənlər xəstəliyi hansısa fazada keçirmiş və qanında artıq immunoqlobulin olan xəstələrdir. Amma bu formada aparılacaq testlər xəstəliyin nisbətən kəskin fazasında olanlara aiddir. Ağır formada olan xəstələrdə bir çox əlamətləri, vacib olan detalları müəyyən etmək mümkündür”.

 

Professor qeyd edib ki, bəzi xüsusiyyətlər subklinik formada olan və xəstəliyi simptomsuz keçirən insanlarda ortaya çıxmaya bilər: “Xüsusilə də nəzərə almaq lazımdır ki, hazırda virus mutasiya nəticəsində zəifləməyə başlayır və bəzi hallarda bunun əlamətləri ortada olmaya bilər. Bu hallarda isə o müəyyən önəm daşıyır. Ancaq düşünürəm ki, bunu bütün əhali kütləsi üçün həyata keçirmək mümkün olmayacaq. Testlər ilkin mərhələdə ölkənin müəyyən ərazisində könüllülük prinsipi ilə aparılacaq”.

 

Publika.az