Azedu.az
https://modern.az/ https://www.instagram.com/apak.az/
2020-02-13 12:19:00
Rəqəmsal bacarıqlar layihəsinə 70 mindən çox şagird cəlb olunub

Qloballaşma dövründə təhsil sistemi rəqəmsal iqtisadiyyatın bir halqasını təşkil edir.

AzEdu.az xəbər verir ki, bunu “Rəqəmsal iqtisadiyyat: müasir çağırışlar və real imkanlar” mövzusunda keçirilən beynəlxalq konfransda Təhsil nazirinin müavini İdris İsayev deyib.

O bildirib ki, rəqəmsal inqilabın tələblərinə cavab vermək üçün Azərbaycanda təhsil sahəsində mühüm addımlar atılıb. Ölkənin 6 bölgəsində 123 məktəbi əhatə edən rəqəmsal bacarıqlar layihəsi icra olunur. Bu layihəyə 70 mindən çox şagird cəlb olunub. İdris İsayev qeyd edib ki, layihənin məqsədi şagirdlərin rəqəmsal bacarıqlarını üzə çıxarmaqdır.