https://www.zirve.edu.az/
27.01.2020 14:21
Dövlət qulluğu üzrə ümumi müsahibədə 30-dan çox namizəd uğur qazanıb

Ümumilikdə 7 dövlət orqanında 93 vakant vəzifənin tutulması üçün Dövlət İmtahan Mərkəzi (DİM) tərəfindən ötən il sentyabrın 17-də elan olunmuş ümumi müsahibə davam edir.

DİM-dən AzEdu.az-a verilən məlumata görə, yanvarın 27-si saat 11:05-ə olan göstəricilərə görə, ümumi müsahibədə iştirak etmiş 32 nəfər uğur qazanıb. Onlardan 13-ü Maliyyə Nazirliyində, 10-u Qida Təhlükəsizliyi Agentliyində, 7-si Ekologiya və Təbii Sərvətlər Nazirliyində, 2 nəfər isə Təhsil Nazirliyində müxtəlif vəzifələrə uyğun bilinib.

Qeyd edək ki, ümumi müsahibədə iştirak etmək üçün 169 nəfər sənəd verib. Müsahibə yanvarın 30-da başa çatacaq.