Azərbaycanda bir çox muzeylər fəaliyyət göstərir.İnsanlar müxtəlif zamanlarında bu yerləri ziyarət etməklə dünyagörüşlərini artırırlar.Lakin ölkəmizdə vacib sahə olan elmə aid heç bir muzey mövcud deyil.
Ümumiyyətlə, Elm Muzeyinin yarandılmasına bu gün nə dərəcədə zəruri ehtiyac var? Onun varlığı bizdə elmə olan münasibətin daha da yaxşılaşmasına səbəb ola bilərmi?
Millət vəkili Fazil Mustafa da AzEdu.az-a açıqlamasında ölkəmizdə çoxlu muzeylərin olduğunu, lakin Elm Muzeyinin mövcud olmadığını deyib:
“Mədəniyyət, sənət, aqrar, ədəbiyyat sahələrinə aid muzeylər var və onlar bu gün əhaliyə xidmət etməkdədir
Məsələn, Kənd Təsərrüfatı Muzeyi fəaliyyət göstərir ki, burada müxtəlif məhsullar nümayişi həyata keçirilir. Bizdə əksər sahələrə aid muzeylər var ki, onların hamısı irsimizin qorunmasına yardımçı olan amillərdir. Bu minvalla, Elm Muzeyinin də yaradılması vacibdir.
Belə bir təşəbbüs mənəvi istiqamətdə xeyir verə bilər. Bu muzey intellektual baxımdan insanların milli-mənəvi, elmi irsə yönəlməsindəyardımçı olar”.
Millər vəkili Fəzail İbrahimli belə mütərəqqi təşəbbüsü hörmətləqarşıladığını qeyd edib:
“Elm Muzeyi yaradılsa, itirəcəyimiz deyil, əksinə,qazanacağımız tərəflər olacaq. Bu təşəbbüs Azərbaycan elminin bütün dünyaya və insanlara çatdırılmasında böyük rol oynaya bilər.
Buraya gələn insanlar Azərbaycan elminin uğurları, onun yolunda atılan addımlar ilə tanış ola bilərlər. Bu, təhsil və elm sahəsində çalışanlara üçün çox yaxşı addımdır və onların maariflənməsinə yaxından köməklik edə bilər.
Xaricdən gələn qonaqların, turistlərin buraya dəvət olunması Azərbaycan elminin inkişafında böyük rol oynayacaqdır.
Hazırda belə bir təşəbbüs yoxdur.Lakin elm və təhsillə məşğul olan insanlar bunun üzərində düşünməli və Elm Muzeyinin yaradılması barədə tədbirlər həyata keçirməlidirlər”.
Şükufə Süleymanlı
kitabı