XƏBƏRLƏR

21.01.2020 09:52
Müəllimlərin işə qəbul müsabiqəsində edilən dəyişiklik bu il tətbiq olunacaq?-CAVAB

Xəbər verdiyimiz kimi müəllimlərin işə qəbul müsabiqəsində dəyişiklik edilib. Məntiq imtahan proqramından çıxarılıb.

MİQ müsabiqəsində iştirak  edən namizədləri  maraqlandıran məsələ dəyişikliyin bu il tətbiq olunub olunmamasıdır.

AzEdu.az xəbər verir ki, Təhsil Nazirliyinin rəsmi telegram hesabında verilən məlumata əsasən, dəyişiklik 2020-2021-ci tədris ili üçün nəzərdə tutulub.

Məntiqin proqramdan çıxarılmasının səbəbi isə MİQ müsabiqəsi ilə müəllimlərin sertifikatlaşdırılması  proqramı arasında bərabərlik yaratmaqdır. Belə ki, MİQ-də uğur qazanan namizədlər sertifikatlaşdırmadan azad olacaqlar.

Qeyd edək ki, ümumi sualların sayı əvvəlki kimi saxlanılır. 40 ixtisas, 20 metodika olmaqla, yenə də nazmizədlərə 60 sual təqdim olunacaq.