XƏBƏRLƏR

09.12.2019 15:47
BP AzTU tələbələrinə iş təklif edəcək

BP şirkətinin təşkilatçılığı ilə tələbələr üçün 2020-ci il üzrə işə qəbul proqramının "Məlumatlandırma Günü" tədbiri keçirilib.

AzEdu.az xəbər verir ki, tədbirdə Azərbaycan Texniki Universitetinin (AzTU) Proseslərin avtomatlaşdırılması, Elektrik, Mexanika, Elektroenergetika mühəndisliyi ixtisasları üzrə təhsil alan 3-cü və 4-cü kurs tələbələri iştirak edib.

Proqramın əsas məqsədi texniki sahə üzrə təhsil alan  tələbələrin BP şirkətində işlə təmin olunması, onların uğurlu karyera imkanlarını genişləndirmək məqsədi ilə beynəlxalq təlimçilər və mütəxəssislər tərəfindən ixtisaslı kadr kimi  hazırlanmasıdır. Tədbirdə şirkətin iş imkanları və seçim prosesi haqqında daha ətraflı məlumat verilib, BP-nin işə qəbul proqramını uğurla bitirərək işlə təmin olunan məzunların "Uğur hekayələri " izlənilib. 

Hazırda AzTU-nun bir sıra ixtisasları üzrə təhsil alan buraxılış qrupu tələbələri BP-nin işə qəbul təcrübə proqramı təlimlərində iştiraklarını davam etdirirlər. Şirkət proqramı bitirən tələbələrə uyğun vakansiyalar üzrə iş təklif edəcək.