Kitablar, insanları mənəvi cəhətdən müsbətə doğru dəyişən bir fürsətdir. Oxumaq birmənalı şəkildə insanların zehni və ruhi inkişafına səbəb olur.
Beləliklə, kitab oxumaq bir nəfər kimi hər kəsin, xüsusilə bütün məktəblilərin haqqıdır.
AzEdu.az məhz ucqar kənd məktəblərində təhsil alan uşaqların da bu “fürsətdən” yararlanmasını təmin etmək üçün yeni layihəyə start verir.
Layihəni keçirməkdə əsas məqsəd ucqar kənd məktəblilərinin kitab oxumasına yardımçı olmaq, onların daha da maariflənməsinə az da olsa töhfə verməkdir.
Əziz oxucu, əgər siz də bu hədəfə çatmaq üçün vasitəçi olmaq istəyirsinizsə, sadəcə, kitab yollamaqla buna nail ola bilərsiniz.
Əziz oxucular, sizin hədiyyə etdiyiniz imzalı kitabları AzEdu.az saytının əməkdaşı və ucqar kənd müəllimi Seymur İbrahimov birlikdə kəndlərdə, bölgələrdə məktəblilərə paylayacaq.
Beləliklə, siz hədiyyə etmək istədiyiniz kitaba “Muraddan (şərti ad) məktəbli dostuma hədiyyə" yazmaqla kitabı redaksiyamızın ünvanına göndərə və ya əlaqə saxlayaraq bizə çatdıra bilərsiniz.
Qeyd edək ki, məzmununa görə kitablar müxtəlif ola bilər: dərslik və test vəsaitləri, bədii və elmi kütləvi kitablar, lüğətlər və s.
Kitabların azərbaycan və türk dilində olması arzuolunandır.
Ətraflı məlumat üçün əlaqə vasitələri:
e-poçt: İnfo@azedu.az
mobil tel. : 055 329 4878
WhatsApp: 055 329 4878
Facebook: //www.facebook.com/azedu.az/
