Beynəlxalq STEAM Azərbaycan Festivalında qalib olan məktəblilərimiz Naxçıvanda böyük coşqu ilə qarşılandı.
AzEdu.az xəbər verir ki, Beynəlxalq STEAM Azərbaycan Festivalında son 5 ilin ən böyük uğurunu qazanan Naxçıvanın ümumtəhsil məktəblərinin şagirdləri doğma diyarda təntənəli şəkildə qarşılanıblar. Naxçıvan Beynəlxalq Hava Limanında təşkil olunan qarşılanma mərasimində ictimaiyyət nümayəndələri, şagirdlər, müəllimlər, müəssisə rəhbərləri və məktəblilərin yaxınları böyük uğura imza atan şagirdlərimizi sevinclə qarşılayıblar.
Məlumat üçün bildirək ki, Elm və Təhsil Nazirliyinin dəstəyi və "STEAM Azərbaycan" layihəsinin təşkilatçılığı ilə keçirilən Beynəlxalq STEAM Azərbaycan Festivalında Naxçıvan STEAM Təlim-Tədris Mərkəzinin 10 komandasından 3-ü I yerin, 1-i II yerin, 4-ü isə III yerin olmaqla, ümumilikdə, 8 komanda qalib olub.
