Fransanın paytaxtı Parisdəki bir ibtidai məktəbdə, uşaqların cinsi istismarı barədə məlumat vermələri üçün xüsusi poçt qutusu qurulub.
AzEdu.az-ın xarici mediadan əldə etdiyi məlumata görə, bu təşəbbüs, ölkə üzrə ümumilikdə 360 məktəbdə tətbiq edilən bir proqramın tərkib hissəsidir. Uşaqların anonim şəkildə məktublar vasitəsilə istismarı bildirmələrinə imkan verən bu proqram, "Əgər deyə bilmirsənsə, yaz" şüarı ilə fəaliyyət göstərir.
Proqram, uşaqların cinsi istismarını bildirmələrini təşviq etməyi və bu sahədəki tabuları qırmağı hədəfləyir.
