Hindistanın müxtəlif ticarət ittifaqları və fermerlər tərəfindən təşkil edilən 9 iyul Bharat Bandh tətili ölkədə təhsil sektorunda da narahatlığa səbəb olub. Tətil səbəbindən bəzi məktəblərin, kolleclərin və dövlət orqanlarının müvəqqəti bağlanması gözlənilir.
AzEdu.az-ın xarici mediadan əldə etdiyi məlumata görə, hökumət hələlik məktəblərin rəsmi olaraq bağlanması ilə bağlı qərar verməyib. Təhsil müəssisələrinin fəaliyyətinin tətil günündə necə olacağı barədə dəqiq məlumat verilmir.
Valideynlər və tələbələr vəziyyətin aydınlaşdırılması üçün hökumətdən əlavə açıqlama gözləyir. Təhsil mütəxəssisləri isə tətilin təhsilə mümkün təsirlərinin minimuma endirilməsi üçün tədbirlərin vacib olduğunu bildirirlər.
