NASA-nın yüksək vəzifəli astronavtları ABŞ-ın Nyu York şəhərində qatıldıqları bir konfransda hamının bilmək istədiyi "Yadplanetlilər varmı?" sualını cavablayıblar.

AzEDU xəbər verir ki, məşhur amerikalı kinorejissor Darren Aronofskinin "One Strange Rock" layihəsi üçün bir araya gələn astronavtlar kainatın düşündüyümüzdən də böyük olduğunu və yadplanetlilərlə qarşılaşma ehtimalları barədə danışıblar.

Kosmosda 4000 saat vaxt keçirən kanadalı astronavt Kris Hedfild artıq hər ulduzun bir planeti olduğunu sübuta yetirdiklərini deyib: "İndi hesablamaq sizə qalıb. Əgər Marsda canlı nümunəsi tapa biliriksə və ya okeanın dərinliklərində bir qurd varsa, deməli kainatda həyat var. Yaşayış izi tapmaq çox asandır, amma çətin olan ağıllı bir üsul tapmaqdır. Kainatda 1 septilyion (1.000.000.000.000.000.000.000.000) ulduz var. Həmçinin bu rəqəm də təxminidir. Ulduz sayı bundan da çox ola bilər. Əgər hər ulduzun bir ədəd planeti varsa, kosmosda ağıllı yaşam formaları tapıla biləcəyini rahatlıqla söyləyə bilərik", - deyə o, bildirib.

Keçmiş astronavt Ceff Hofman da kosmosda yalnız olmadığımızı söyləyib: “Bir elm adamı olaraq mən sübutlara baxaram. Hələlik bununla bağlı bir dəlil yoxdur, amma kainatda yalnız olmadığımıza inanıram".

“National Geographic” kanalı üçün hazırlanan sənədli filmdə danışan qadın astronavt Mae Cemison isə sübut tapmaq üçün düşünməli olduğumuzu diqqətə çatdırıb.(qaynarinfo)