2024/2025-ci tədris ili üzrə Qarabağ Universitetinin bakalavriat səviyyəsinə qəbul olmuş tələbələrin Xankəndi şəhərinə köçürülməsi layihəsi ilə bağlı universitet əməkdaşları arasında məlumatlandırma görüşü keçirilib.

Bu barədə AzEdu.az-a Qarabağ Universitetindən məlumat verilib.

Universitetdən bildirilib ki, görüşün keçirilməsində əsas məqsəd Xankəndi şəhərinə köç zamanı tələbələrin qarşılanması, müvafiq olaraq yerləşdirilməsi və universitetlə ilkin tanışlıq prosesinin uğurlu şəkildə yerinə yetirilməsi üçün atılacaq addımların müəyyən edilməsi olub.

Görüş zamanı köç prosesini icra edəcək işçi qrupa ilkin icra planı təqdim edilib və mövzu ilə əlaqədar bir sıra məsələlər müzakirə edilib.

Onu da qeyd edək ki, yaxın zamanlarda Qarabağ Universitetini seçmiş tələbələrə köç prosesi ilə bağlı sorğu və ətraflı məlumatlar göndəriləcək.