Azedu.az
https://modern.az/ https://www.instagram.com/apak.az/
2024-05-17 11:45:18
Sabah “Yüksəliş” müsabiqəsinin qabiliyyət imtahanı keçiriləcək

Mayın 18-də və 19-da saat 10:00 və 15:00-da növbəli şəkildə dördüncü “Yüksəliş” müsabiqəsinin qabiliyyət imtahanı keçiriləcək.

 

Müsabiqənin İşçi Qrupundan AzEdu.az-a bildirilib ki, iştirakçılar buraxılış vərəqələri ilə şəxsi kabinetdən tanış ola bilərlər.

 

Qabiliyyət imtahanı əyani formada keçiriləcək.

 

Xatırladaq ki, “Yüksəliş” müsabiqəsi Azərbaycan Prezidentinin 2019-cu il 26 iyul tarixli Sərəncamına əsasən təsis olunub. Müsabiqənin məqsədi 21-51 yaş aralığında olan, intellektual səviyyəsi yüksək və azı iki il idarəçilik təcrübəsinə malik perspektivli rəhbər şəxslərin müəyyənləşdirilməsini, dəstəklənməsini və ölkədə kadr ehtiyatı bankının yaradılmasını təmin etməkdir.

 

“Yüksəliş” müsabiqəsinin qalibini bir il ərzində idarəçi rəhbərlərdən – böyük şirkətlərin top-menecerlərindən və dövlət orqanlarının rəhbərlərindən fərdi karyera məsləhətləri almaq imkanı və 20 min manat məbləğində pul mükafatı gözləyir.

 

Növbəti - dördüncü “Yüksəliş” müsabiqəsinin keçirilməsi ilə bağlı Azərbaycan Prezidenti tərəfindən 2023-cü il dekabrın 25-də Sərəncam imzalanıb.

 

Məktəb psixoloqonun stolüstü
kitabı
Bağçalarla bağlı zəruri vəsait
ÇOX OXUNANLAR
SORĞU
"İlin gənc müəllimi"nin qalibi olaraq kimi görürsünüz?
Səs ver
FACEBOOK