Tələbələrin təhsil aldıqları müddətdə müəyyən səbəblərə görə akademik məzuniyyət götürmək hüququ var.

Maraqlıdır, tələbələr hansı hallarda və neçə müddətlik akademik məzuniyyətdən yararlana bilər?

Mövzu ilə bağlı AzEdu.az Təhsil Portalı olaraq universitetlərə sorğu ünvanladıq.

Sorğumuza cavab olaraq Azərbaycan Memarlıq və İnşaat Universitetinin (AzMİU) mətbuat katibi Nicat Abdullayev bildirib ki, tələbələr öz hüquqlarından istifadə edərək akademik məzuniyyətə çıxa bilirlər:

“Tələbələrin universitetlərə yenidən bərpası həmin qanunvericiliyin tələblərinin ödənilməsi hesabına yerinə yetiriləcək. Ötən il universitetində ümumilikdə 66 tələbə akademik məzuniyyət götürüb. Onlardan 59 nəfəri həqiqi hərbi xidmətə görə, 2 nəfəri ailə vəziyyətinə, 5 nəfər isə səhhəti ilə bağlı məzuniyyətə çıxıb”.