İxtisas seçimi 28 avqust tarixinə qədər davam edəcək.
Bu barədə Dövlət İmtahan Mərkəzindən (DİM) məlumat verilib.
Bildirilib ki, prosesdə iştirak edən namizədləri maraqlandıran bir nüans var. Belə ki, ixtisas seçimi edən abituriyentlər öz ərizələrini neçə dəfə ləğv edib yenidən bərpa edə bilərlər? Hər hansı bir məhdudiyyət varmı?
DİM-dən AzEdu.az-a bildirilib ki, bununla bağlı heç bir məhdudiyyət yoxdur.
“Ancaq tövsiyə edirik ki, seçimi dəqiqləşdirdikdən sonra ərizəni təsdiq edin”- deyə mərkəzdən əlavə olunub.
