“Məktəbə yaxın ərazilərdə siqaret satışının qadağan edilməsi məsələləri ilə əlaqəli qanunun icrası ilə bağlı heç bir ciddi addımlar atılmayıb”.

AzEdu.az xəbər verir ki, bunu Milli Məclisin deputatı Qənirə Paşayeva parlamentin mayın 31-də keçirilən plenar iclasında çıxışı zamanı deyib.

 "Biz bununla bağlı qanun qəbul etmişik. Amma qanunun icrası ilə bağlı heç bir addım atılmır. Tütün məhsullarının istifadəsinə dair çox yaxşı qanunumuz var, çox təəssüf ki, ictimai yerlərdə tütün məhsullarının çəkilməsinin məhdudlaşdırılması, məktəb yaxınlığında bu məhsullarının satışının dayandırılması, reklamla bağlı məhdudiyyət tətbiq olunması istiqamətində heç bir iş görülmür".