Sosial şəbəkələrdə bəzi abituriyentlər onları narahat edən bir məsələni ictimai müzakirəyə çıxarıblar. Bildiriblər ki, buraxılış imtahanlarda vaxt çatmadığı üçün bəzi tapşırıqların cavabını yalnız sual kitabçasına qeyd ediblər.
Bəs tapşırıqların cavabı yalnız sual kitapçasında olan abituriyentlərin balı necə hesablanacaq?
AzEdu.az-ın DİM-dən aldığı məlumata əsasən, imtahan nəticələri hesablanarkən şagirdin yalnız hüquqi sənəd olan cavab vərəqinə qeyd etdiyi cavablar nəzərə alınır.
Qeyd edək ki, DİM tərəfindən 5 və 12 mart tarixində keçirilən buraxılış imtahanlarının nəticələri 1 ay ərzində elan olunması nəzərdə tutulur.
