Türkiyə Elmlər Akademiyası son illərdə aparılmış fundamental tədqiqatlar nəticəsində ərsəyə gəlmiş və “TEKNOFEST Azərbaycan” Aviasiya, Kosmos və Texnologiya Festivalı çərçivəsində təşkil olunan sərgidə nümayiş etdirmək üçün ölkəmizə gətirilmiş 100-ə yaxın elmi əsəri AMEA-ya bağışlayıb.

AzEdu.az xəbər verir ki, kitablar AMEA-nın Mərkəzi Elmi Kitabxanasında saxlanılacaq.

Xatırladaq ki, “TEKNOFEST Azərbaycan” festivalı çərçivəsində ölkəmizdə səfərdə olan Türkiyə Elmlər Akademiyasının prezidenti professor Müzəffər Şəkər sərgidə AMEA-nın pavilyonu ilə tanış olub, burada təqdim olunan yüksək texnologiya məhsullarını yüksək qiymətləndirib. Həmçinin AMEA-da professor Müzəffər Şəkərlə görüş keçirilib və o, Türkiyə Elmlər Akademiyasının “İslamda elm və texnologiya” beşcildiyini AMEA-nın prezidenti vəzifəsini icra edən akademik Arif Həşimova hədiyyə edib.