Kanadalı ixtiraçı Əzin Əl-Qeysi koronavirusdan qorunmaq üçün xüsusi dəbilqə hazırlayıb.

AzEdu.az-ın məlumatına görə, xəbəri BBC agentliyi yayıb.

Dəbilqə baş və sinə hissəsini tamamilə örtür, həmçinin, üz sipəri ilə təmin edilib.

Cihazın arxa tərəfinə batareyalarla işləyən hava təmizləyici filtr yerləşdirilib.

Əl-Qeysi cihaza BioVYZR adını verib.

İxtiraçı bildirib ki, dəbilqənin batareyası bir dəfə doldurma ilə 12 saata qədər fasiləsiz işləyə bilir.

O əlavə edib ki, hazırda təxminən 10 min insan dəbilqəni almaq üçün müraciət edib.