Azedu.az
https://modern.az/ https://www.instagram.com/apak.az/
2018-04-26 17:44:00
Uşaqlar üçün xüsusi smartfon və planşet hazırlanıb

“Archos” şirkəti azyaşlı istifadəçilər üçün “Junior” qurğular seriyasını təqdim edib.

AzEDU.az Azərtac-a istinadən xəbər verir ki, bu seriyaya yaşı üçdən yuxarı uşaqlar üçün “Junior Tab” planşeti və yeddidən yuxarı uşaqlar üçün “Junior Phone” smartfonu daxildir.

İstehsalçıların məlumatına görə, təqdim edilən qurğularda aparat konfiqurasiyası optimallaşdırılıb və xüsusi proqramlar: valideyn nəzarəti vasitələri və “Qustodio”dan veb-səhifələrin filtri (bir il ödənişsiz), axtarış sistemi, dil, elm və incəsənətin sirlərinə yiyələnmək üçün proqramlar, musiqi dinləmək, video izləmək üçün proqram təminatı, proqramlaşdırma vasitələri quraşdırılıb.

Hər iki qurğu “Android 7 Nougat” mobil əməliyyat sisteminin idarəetməsi altında işləyir. Planşet və smartfonun 2018-ci ilin iyununda Avropada 79,99 avroya satışa çıxarılması planlaşdırılır.