Azərbaycan Dövlət Neft və Sənaye Universitetində (ADNSU) AMEA-nın prezidenti, akademik Akif Əlizadəyə universitetin fəxri professoru diplomunun təqdim edilməsi ilə bağlı mərasim keçirilib.

AzEdu.az  APA-ya istinadən xəbər verir ki,  ADNSU-nun rektoru, professor Mustafa Babanlı A. Əlizadəni Azərbaycanın görkəmli elm xadimi kimi xarakterizə edib.

Rektor A. Əlizadənin ADNSU-nun məzunu olmasından böyük fərəh hissi keçirdiklərini deyib.

Təhsil naziri Ceyhun Bayramov akademikin Azərbaycanda geologiya və geofizika elminin inkişafında mühüm rolu olduğunu qeyd edib.

A. Əlizadə onun haqqında deyiləsən xoş sözlərə görə çıxış edənlərə təşəkkür edib.

Çıxışlardan sonra rektor M. Babanlı AMEA-nın prezidenti, akademik A.Əlizadəyə ADNSU-nun fəxri professor diplomunu təqdim edib. Rektor tələbələrə akademik Akif Əlizadə adına təqaüdün veriləcəyini də diqqətə çatdırıb.