Bu gündən ali və orta ixtisas təhsili müəssisələrində əyani təhsilalma forması üzrə 2025/2026-cı tədris ilinin yaz semestrinin yay imtahan sessiyası başlayır.
Bu münasibətlə rektorlar öz "feysbuk" hesablarında tələbələrə uğurlar arzulayıblar.
AzEdu.az Təhsil Portalı rektorların paylaşımlarını təqdim edir.
Bakı Dövlət Universitetinin rektoru Elçin Babayev:
Qarabağ Universitetinin rektoru Şahin Bayramov:
"Əziz tələbələrimiz! Dəyərli əməkdaşlarımız!
Qarabağ Universitetində 2025/2026-cı tədris ilinin yaz semestrinin imtahan sessiyasına start veririk.
Yüksək ixtisaslı kadr hazırlığı missiyası, yeni məzmunlu tədris prosesi, bilik və bacarıqların qiymətləndirilməsi baxımından mühüm əhəmiyyət kəsb edən imtahanlarda hər birinizə uğurlar arzulayırıq. Qarabağ Universiteti ailəsinin üzvü olmaq sonsuz fəxarətdir!".
Mingəçevir Dövlət Universitetinin rektoru Anar Eminov:
"Əziz tələbə və magistrantlar!
Sabahdan etibarən Mingəçevir Dövlət Universitetində 2025/2026-cı tədris ilinin yaz semestrinin imtahan sessiyası başlayır.
İmtahanlar bilik və bacarıqlarınızı nümayiş etdirmək, semestr ərzində göstərdiyiniz zəhmətin nəticələrini ortaya qoymaq üçün mühüm mərhələdir. İnanıram ki, hər biriniz məsuliyyət, əzmkarlıq və özünəinamla bu sınaqlardan uğurla keçəcəksiniz.
Sizə imtahan sessiyasında yüksək nəticələr, uğurlar və yeni nailiyyətlər arzulayıram. Əminəm ki, əldə edəcəyiniz uğurlar həm şəxsi inkişafınıza, həm də universitetimizin akademik nailiyyətlərinə töhfə verəcəkdir.
Hər birinizə uğurlar!".
Azərbaycan Dövlət İqtisad Universitetinin rektoru Ədalət Muradov:
"Əziz UNEC tələbələri!
Sabah UNEC-də növbəti imtahan sessiyası başlayır. İmtahan sessiyası həm də zəhmətinizin və əzmkarlığınızın nəticələrinin ortaya qoyulduğu mühüm mərhələdir. İnanıram ki, semestr ərzində qazandığınız bilik və bacarıqlarınızı təsdiq edəcəksiniz. Hər birinizə uğurlar, müəllim və əməkdaşlarımıza isə məsuliyyətli fəaliyyətlərində müvəffəqiyyət arzulayıram.
İnanıram ki, bu sessiya da UNEC-in şəffaflıq, obyektivlik və ədalət prinsiplərinə sadiqliyinin növbəti nümunəsi olacaq.
Uğurlar!
Hər şey daha da yaxşı olacaq!"
Bakı Slavyan Universitetinin rektoru Anar Nağıyev:
"Bakı Slavyan Universitetində yaz imtahan sessiyasına start verildi. Hər kəsə uğurlar arzu edirəm!"
