“OpenScience Media Lab” və “Science and Education Media”nın birgə təşəbbüsü ilə həyata keçirilən peşəkar inkişaf proqramına qeydiyyat elan olunub.
AzEdu.az xəbər verir ki, proqram çərçivəsində iştirakçılar elm və təhsil mövzularının ictimaiyyətə effektiv şəkildə çatdırılması, keyfiyyətli jurnalist materiallarının hazırlanması və media sahəsində praktiki bacarıqların inkişafı istiqamətində müxtəlif təlimlərdə iştirak edəcəklər.
Bununla yanaşı, proqram iştirakçılarına mentor dəstəyi göstəriləcək. Onlar “Təhsil TV” və “Azərbaycan müəllimi” qəzetində real iş təcrübəsi qazanmaq imkanı əldə edəcəklər.
Layihənin əsas məqsədi elm və təhsil sahəsində gələcəyin peşəkar kommunikasiya mütəxəssislərinin hazırlanmasına töhfə verməkdir.
Qeyd edək ki, proqramda iştirak tam ödənişsizdir.
Proqrama müraciət üçün son tarix 31 maydır.
Qeydiyyat linki:
//forms.gle/YnZaUaR1LXh4md2o7
