ABŞ-də bir qadın, uşaqlıq illərində xoş münasibət qurmadığı keçmiş müəlliminin ağır böyrək çatışmazlığından əziyyət çəkdiyini öyrəndikdən sonra ona böyrəyini bağışlayıb.
AzEdu.az-ın xarici mediadan əldə etdiyi məlumata görə, qadın illər əvvəl dərs aldığı müəllimi ilə yaxın münasibətə malik olmasa da, onun həyatını itirmək təhlükəsi ilə üz-üzə qaldığını eşidəndən sonra transplantasiya üçün könüllü olub.
Əməliyyatdan sonra qadın verdiyi qərarı belə izah edib: “Onu sevməsəm də, ölümə tərk edə bilməzdim”.
Hadisə sosial mediada böyük rezonans doğurub və insanlıq nümunəsi kimi geniş müzakirə olunub.
