ARTİ Metodik Dəstək Mərkəzi tərəfindən icra olunan “Müasir metodist” müsabiqəsinin müsahibə mərhələsi aprelin 13-də başlayır.
AzEdu.az xəbər verir ki, bu mərhələ mayın 12-dək davam edəcək. Cavablar mayın son günlərində rayon təhsil şöbələrinə və namizədlərin telefon nömrələrinə SMS vasitəsilə göndəriləcək.
Müsahibə zamanı namizədlər aşağıdakı meyarlar üzrə dəyərləndiriləcək:
– Özünü təqdimetmə bacarığı
– Proqram üzrə dərs icmalının təqdimatı
– Metodiki və pedaqoji savadlılıq
– Ünsiyyət bacarığı
– Problem həlletmə bacarığı
– Əməkdaşlıq bacarığı
– Liderlik bacarığı
– Peşəkar inkişaf
Qeyd edək ki, ikinci meyar çərçivəsində namizədlər öz ixtisaslarına uyğun bir dərs planı hazırlamalı və onun planlaşdırılmasına dair əsaslandırılmış izah təqdim etməlidirlər.
