Alzheimer xəstəliyinin qabaqcadan qarşısını almaq mümkün ola bilər. Northwestern Universitetinin alimləri tərəfindən hazırlanmış NU-9 adlı yeni dərman, yaddaş itkisi hələ yaranmamışdan əvvəl beyində zəhərli zülalları təmizləyərək xəstəliyin dağıdıcı təsirlərinin qarşısını alma potensialına malikdir.
AzEdu.az-ın xarici KİV-dən əldə etdiyi məlumata görə, alzheimer xəstəliyinin ən erkən mərhələdə aşkar edilməsinin müalicədə əsas açar olduğunu göstərir. NU-9 preparatı beyində lövhəciklərin (plakların) yaranmasına səbəb olan və sinir hüceyrələrinə zərər verən zəhərli molekulları aradan qaldırır, beynin dəstək hüceyrələrini isə sağlam saxlayır.
Neyrobioloq William Klein nəticələri “çox təsirli” adlandıraraq, bu kəşfin yalnız müalicə ümidini artırmadığını, həm də xəstəliyin əlamətlər ortaya çıxmazdan əvvəl beyində necə başladığını anlamağa kömək etdiyini bildirib.
Alimlər qeyd edirlər ki, NU-9 dərmanı simptomlar başlamazdan əvvəl risk qrupundakı şəxslər üçün qoruyucu vasitə kimi tətbiq oluna bilər. Bu, ürək-damar xəstəliklərinin qarşısını almaq üçün istifadə olunan xolesterin dərmanlarına bənzər bir yanaşmadır. Əgər hazırda davam edən klinik sınaqlar uğurla başa çatsa, gələcəkdə sadə qan analizi ilə Alzheimer riski müəyyən edilən insanlar bu dərman vasitəsilə zehni sağlamlıqlarını qoruma imkanına malik olacaqlar.
Beləliklə, NU-9 Alzheimer xəstəliyini qaçılmaz tale olmaqdan çıxararaq, onu dayandırıla bilən bir prosesə çevirmək potensialı daşıyır.
Zeynəb Tehranlı
