"Ali təhsil müəssisələrinin akkreditasiyası 7 istiqamət, 30 meyar və 271 indikator üzrə aparılır".

AzEdu.az xəbər verir ki, bunu Təhsildə Keyfiyyət Təminatı Agentliyinin sədri Ülkər Səttarova keçirdiyi brifinqdə deyib.

Onun sözlərinə görə, bu meyarlar müəssisənin fəaliyyətinə dair bütün sahələri əhatə edir: "Burada ali təhsil müəssisəsinin təlim-tədris prosesi, elmi tədqiqat fəaliyyəti, maddi-texniki bazasının hansı səviyyədə olması, idarəetmə, beynəlxalq əlaqələr kimi məsələlər yoxlanılır".