İyunun 17-də “Peşəkar idarəçi” müsabiqəsinin test imtahanı mərhələsi keçiriləcək.

Elm və Təhsil Nazirliyindən AzEdu.az-a bildirilib ki, bu barədə məlumat imtahanda iştirak hüququ qazanmış şəxslərin mobil əlaqə nömrələrinə göndəriləcək. 

 
Müsabiqədə iştirak üçün 2 mindən çox namizəd müraciət edib.

 
 
Test imtahanında namizədlərə 80 dəqiqə müddətində tənqidi oxu bacarığı, məntiqi təfəkkür, əmək və təhsil qanunvericiliyi üzrə ümumilikdə 45 test tapşırığı təqdim olunacaq. 

 
Qeyd edək ki, müsabiqənin məqsədi yerli təhsili idarəetmə orqanlarının fəaliyyətinə dəstək verəcək kadrları aşkarlamaq, karyerasını təhsilin idarə olunması sahəsində qurmaq istəyən pedaqoji işçilərə dəstək vermək, təhsil sahəsində  idarəetmə vəzifələri üçün gələcəkdə yaranacaq işçi ehtiyacını təmin etməkdir.