Azərbaycan Respublikası Təhsil İnstitutunun müəllimlərin sertifikatlaşdırma imtahanı üçün hazırladığı qiymətləndirmə çərçivəsində mövzular qeyd edilib və əsərlərin tam şəkildə oxunması tövsiyə olunub.

Bu barədə AzEdu.az-a Təhsil İnstitutundan verilən məlumatda bildirilib.

Sertifikatlaşdırma imtahanı ilə əlaqədar olaraq Bakı və regionlarda mütəmadi olaraq keçirilən görüşlərdə mütəxəssislər tərəfindən 2-24 iyunda keçiriləcək imtahanda tam şəkildə oxunması lazım olan əsərlərin siyahısı təqdim edilib.

Təsdiqlənən 5 əsəri aşağıda qeyd olunan versiyadan oxumağınız məqsədəuyğundur.

Qeyd edək ki, digər əsərlər isə dərslikdəki varianta uyğun olacaq.

Əsərlər:

Koroğlu dastanı- Həmzənin Qıratı qaçırması

C.Məmmədquluzadə- Anamın kitabı

C.Cabbarlı- Oqtay Eloğlu

S.Vurğun- Vaqif

İ.Əfəndiyev- Xurşidbanu Natəvan