Bu il ümumtəhsil müəssisəsindən məzun olan şəxslər onlayn ərizə seçimində təhsil almaq istədiyi “ali və ya orta ixstisas təhsili müəssisəsi” bəndini qeyd etməlidir.
Abituriyentlər tam (11 illik) orta təhsil bazasında orta ixtisas təhsili müəssisələrinə qəbul olunmaq üçün müsabiqə şərtini ödəyirlər. Lakin 1-15 mart tarixlərində keçirilən ərizə qəbulu zamanı “Tam orta təhsil bazasında orta ixtisas təhsili müəssisələrinin müsabiqəsində iştirak etmək istəyirəm” bəndini seçməyi unudurlar.
Bəs həmin abituriyentlər üçün şans yaradılacaq?
Dövlət İmtahan Mərkəzindən AzEdu.az-a verilən məlumata əsasən, tam (11 illik) orta təhsil bazasında orta ixtisas təhsili müəssisələrinə qəbul olunmaq üçün müsabiqə şərtini ödəmiş, lakin 1-15 mart tarixlərində keçirilən ərizə qəbulu zamanı “Tam orta təhsil bazasında orta ixtisas təhsili müəssisələrinin müsabiqəsində iştirak etmək istəyirəm” bəndini seçməyən abituriyentlərə yayda kolleclərin ixtisas seçimində iştirak etməyə icazə veriləcək.
