Distant təhsilin ən böyük üstünlüklərindən biri zaman və məkan problemini həll etməsidir.

AzEdu.az xəbər verir ki, bunu Azərbaycan Dövlət İqtisad Universitetini (UNEC) rektoru Ədalət Muradov bildirib:

"Bu üstünlükdən faydalanmaq üçün ilkin mərhələdə əcnəbiləri, xaricdə yaşayan azərbaycanlıları və əlilləri distant təhsilə cəlb etməklə yanaşı, illik ümumi dərs yükünün müəyyən hissəsini də (məsələn, 30 faizini) distant təhsilə keçirmək imkanı yaratmaqla həmin dərslərə xaricdən yüksək ixtisaslı müəllimləri cəlb etmək olardı. Bu yanaşma xüsusilə yeni ixtisaslarda, mütəxəssis qıtlığı hesab olunan ixtisaslarda xüsusilə faydalı ola bilərdi".