Türkiyənin zəlzələ bölgəsində sabahdan tədris prosesi qismən bərpa olunur.

AzEdu.az xəbər verir ki. bu barədə "TRT Haber" məlumat yayıb.

Bildirilib ki, zəlzələnin dağıntılar və insan tələfatı törətdiyi vilayətlərdən biri olan Malatyanın 8 rayonunda sabah məktəblər açılacaq. Belə ki, vilayətin Arapgir, Arquvan, Hekimhan, Pütürge, Doğanyol, Kale, Yazıhan və Darende rayonlarında sabahdan tədris prosesinə start veriləcək.

Digər bölgələrlə bağlı məlumat yoxdur.

Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara və 50 mindən çox insanın həyatını itirməsinə səbəb olub.