Sentyabrın 9-da Dövlət İmtahan Mərkəzinin (DİM) Direktorlar Şurasının sədr müavini Bəhram Xəlilov müxtəlif rayon və şəhərlərdə məskunlaşan vətəndaşları onlayn qəbul edib.
DİM-dən AzEdu.az-a bildiriblər ki, görüşdə əsasən dövlət qulluğuna qəbul, vakant dövlət qulluğu vəzifələri, namizədlərlə müsahibələrin keçirilməsi və digər məsələlərlə əlaqədar vətəndaşlar tərəfindən müraciətlər edilib.
Vətəndaşlara müraciətləri ilə bağlı ətraflı izahat verilib, DİM-in səlahiyyətlərinə aid olan məsələlər yerindəcə həll edilib. Digər müraciətlərin araşdırılması üçün qeydiyyatı aparılıb.
