AzEdu Təhsil Portalında təhsil iştirakçıları, təhsilalanlar və valideynlərin təhsilin müxtəlif səviyyə və pillələri üzrə tez-tez qarşılaşdığı problemlərlə bağlı keçirilən həftəlik sorğuları davam edir.
Növbəti sorğu son zamanlar abituriyentlər arasında tez-tez müşahidə olunan intihar halları, abituriyentlərdəki depressiya və psixoloji asılılıq mövzusunda həyata keçirildi. Bunun üçün iştikçılar problemə əsas səbəb kimi gördükləri variantı seçərək səs verdilər.
Sorğunun nəticələrinə əsasən, məktəblilər arasında intihar hallarına əsas səbəb imtahan öncəsi valideyn təzyiqi və şagirdlərin digər yaşıdları ilə daimi müqayisə edilmələridir:
- İmtahan öncəsi valideyn təzyiqi - 23.4 %
- Digər yaşıdları ilə daimi müqayisədə olmaq - 18.6 %
- Ailədaxili problemlər - 15.4 %
- Qəbul və ixtisas seçiminə yersiz kənar müdaxilə - 10.1 %
- Məktəblərdə bullinq halları - 8.51 %
- Digər hallar - 8.51 %
- Müəllim-valideyn münasibətinin düzgün qurulmaması - 7.97 %
- Xanım abituriyentlərə erkən nikah təhdidləri - 7.44 %
