Samux rayonunda özünü yandıran keçmiş universitet müəllimi xəstəxanada ölüb.
AzEdu.az xəbər verir ki, həkimlərin səylərinə baxmayaraq, onun həyatını xilas etmək mümkün olmayıb.
Qeyd edək ki, Samux rayonun Qovlarsarı kənd sakini, 1941-ci il təvəllüdlü Həsən Qəzənfər oğlu Yusifov üzəri alovlanmış vəziyyətdə yaşadığı evin həyətindən küçəyə çıxıb. Ətrafdakıların köməyi ilə alov söndürülüb və H.Yusifov xəstəxanaya yerləşdirilib. H.Yusifovun özü-özünü yandırdığı ehtimal olunur.
H.Yusifovun kənd təsərrüfatı üzrə elmlər namizədi olduğu və əvvələr universitetlərin birində müəllim işlədiyi bildirilir.
Faktla bağlı araşdırma aparılır.(report.az)
