“Sosial mediada müxtəlif qruplarda müxtəlif ixtisaslar üzrə keçid ballarının aşağı salınacağı və ya əksinə qalxacağı müzakirə olunur. İndidən bu cür müzakirənin aparılması doğru deyil”

Təhsil eksperti Adil Vəliyev bu fikirləri AzEdu.az-a açıqlamasında qeyd etdi. O, abituriyentləri diqqətli olmağa səslədi:

“Keçid balları buraxılış və qəbul imtahanının balları açıqlandıqdan sonra məlum olur. Yalnız bundan sonra müəyyən etmək olur ki, ixtisaslar üzrə ballar hansı intervalda ola bilər. İndidən kiminsə bunu müzakirə etməsi abituriyentləri rahatlaşdırmasın”.