https://www.zirve.edu.az/
01.05.2018 11:47
İlahiyyat İnstitutu BDU-da fəaliyyət göstərəcək  

Yeni yaradılan Azərbaycan İlahiyyat İnstitutu Bakı Dövlət Universitetinin (BDU) İlahiyyat fakültəsində fəaliyyət göstərəcək.

AzEDU.az-ın məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib. 

M.Qurbanlı bu il İlahiyyat İnstitutuna qəbul keçiriləcəyini bildirib: "İnstituta 60 nəfər qəbul olunacaq. Hələlik İlahiyyat İnstitutu BDU-nun İlahiyyat fakültəsində fəaliyyət göstərəcək. Sonra isə instituta ayrıca yer verilməsi və yaxud ayrıca bir kampus tikilməsi məsələsi həll olunacaq".

Qeyd edək ki, fevralın 9-da Prezident İlham Əliyev Dini Qurumlarla İş üzrə Dövlət Komitəsinin tabeliyində Azərbaycan İlahiyyat İnstitutunun yaradılması haqqında sərəncam imzalayıb.(Trend.az)