Alimlər metforminin beyinə təsirinin yeni mexanizmini aşkarlayıblar.
AzEdu.az xarici mediaya istinadən xəbər verir ki, ABŞ-nin Baylor Tibb Kollecinin alimləri diabetin müalicəsində geniş istifadə olunan metforminin qan şəkərini azaltmasına kömək edən yeni mexanizm müəyyənləşdiriblər.
Araşdırmaya görə, metformin beyində yerləşən Rap1 zülalını zəiflədərək qan şəkərinin tənzimlənməsində iştirak edən neyronları aktivləşdirir. Beləliklə, preparatın təsirində beynin də əvvəllər düşünüldüyündən daha mühüm rol oynadığı üzə çıxıb.
Alimlər bildirirlər ki, bu kəşf gələcəkdə diabetin müalicəsi üçün daha hədəfli yanaşmaların hazırlanmasına imkan yarada bilər. Araşdırma heyvan modellərində aparılıb və nəticələrin insanlarda təsdiqlənməsi üçün əlavə tədqiqatlara ehtiyac var.
