Fransada iki körpənin ölümündən sonra araşdırmalara başlanılıb və ölümlərin "Nestle" şirkəti tərəfindən istehsal olunan uşaq qidasından qaynaqlandığı ehtimal edilir.
Bu barədə AzEdu.az RMC radiostansiyasına istinadən xəbər verir.
Məlumata görə, Anje və Bordo şəhərlərində ölən hər iki körpə "Guigoz" süd qidasını istehlak ediblər, hansı ki, "Nestle" şirkəti bu ilin əvvəlində bunların kütləvi şəkildə geri çağırılmasına başlayıb. Geri çağırılmaya səbəb müəyyən bakteriya ştamları tərəfindən ifraz edilən tsereulid toksini ehtimalı olub. Yüksək toksin tərkibli məhsulun istehlakı zamanı ortaya çıxan simptomlara qəbul edildikdən sonra 6 saat ərzində baş verən qusma və ishal daxildir və bunlar qida zəhərlənməsini və ya inək südünə allergiyanı xatırladır.
İlk ölüm hadisəsi dekabrın 23-də Anjedə qeydə alınıb - bir aydan az yaşı olan körpə qız ölüb. 14 günlük ikinci körpə yanvarın 8-də anasının ciddi həzm problemləri şikayəti ilə gətirdiyi Bordo xəstəxanasında həyatını itirib.
Radiostansiya qeyd edir ki, hər iki halda uşaqlar "Guigoz" qidasını qəbul ediblər, lakin analizlər hələ ölüm halları ilə məhsul arasında birbaşa əlaqəni müəyyən etməyə imkan verməyib.
