Fiziklər zaman səyahəti üçün yeni addım atdılar.
AzEdu.az "Times of India" qəzetinə istinadən xəbər verir ki, zaman səyahəti uzun illərdir insanların marağını çəkir, lakin real həyatda hələ ki, elm fantastikası kimi qalır. Lakin, fiziklər elektromaqnit dalğalarını geri çevirməklə zamanla bağlı mühüm irəliləyiş əldə ediblər.
Alimlərin araşdırmalarına görə, müəyyən şərtlərdə dalğalar keçmişə doğru hərəkət edə bilirlər. Bunun üçün dalğaların yayıldığı materialların xüsusiyyətləri dəyişdirilir və dalğaların tezliyi tənzimlənir. Nəticədə, dalğalar əvvəlki trayektoriyalarına qayıdır, sanki zaman geriyə doğru hərəkət edir.
Bu kəşf bir sıra maraqlı nəticələr ortaya qoyur: dalğaların geriyə hərəkəti klassik səbəb-nəticə prinsipini sınayır, dalğaların zaman daxilində qarşılıqlı təsiri isə yeni fiziki mexanizmlərin öyrənilməsinə yol açır.
Alimlər qeyd edirlər ki, insanlar hələ keçmişə səyahət edə bilməsələr də, bu araşdırma zamanın fiziki sistemlərdə manipulyasiyası sahəsində ilk real addımlardan biridir. Eksperiment gələcək tədqiqatlar üçün böyük perspektivlər açır və zamanın başa düşülməsi və idarə olunması istiqamətində mühüm addım sayılır.
Zeynəb Tehranlı
