Ənənəvi Braziliya bitkisi artritə qarşı gözlənilməz təsir göstəri.
AzEdu.az-ın xarici mediadan əldə etdiyi xəbərə görə, Braziliyada aparılan elmi araşdırma xalq təbabətində uzun illərdir istifadə olunan sadə bir sahil bitkisinin iltihab və artritə qarşı güclü təsirə malik ola biləcəyini ortaya qoyub.
São Paulo Dövlət Tədqiqatını Dəstəkləmə Fondunun (FAPESP) məlumatına görə, “Joseph’s Coat” (elmi adı ilə Alternanthera növü) bitkisi üzərində aparılan laboratoriya sınaqları onun artrit simptomlarını əhəmiyyətli dərəcədə azaltdığını göstərib. Tədqiqat zamanı bitki ekstraktının şişkinliyi azaltdığı, oynaqların vəziyyətini yaxşılaşdırdığı və toxumaların qorunmasına müsbət təsir etdiyi müşahidə olunub.
Alimlər bildiriblər ki, ekstrakt sınaq dozalarında təhlükəsizlik baxımından da ümidverici nəticələr verib. Bu isə gələcəkdə bitki əsaslı, təbii iltihab əleyhinə preparatların hazırlanması üçün yeni imkanlar yarada bilər.
Araşdırma müəllifləri qeyd edirlər ki, nəticələr ilkin mərhələdə olsa da, xalq təbabətində istifadə edilən bitkilərin elmi əsaslarla öyrənilməsinin müasir tibb üçün mühüm töhfələr verə biləcəyini bir daha sübut edir.
