Yüz il və daha artıq yaşayan adamlar uzunömürlülüklərinə görə həyat tərzlərindən daha çox genetik kodlarına minnətdar olmalıdırlar.
AzEdu.az xəbər verir ki, İtaliyada uzunömürlülərin genlərini araşdıran ekspertlərin kəşfləri "GeroScience" jurnalında dərc olunub.
Alimlər yüz il və daha çox yaşayan 333 italiyalının DNT-sini araşdırıb və 50 yaşlı şəxslərin genetik məlumatları ilə müqayisə ediblər. Sonra bu informasiyalar İtaliyanın müasir genofondunu təşkil edən 103 qədim genomla tutuşdurulub.
Araşdırmalar göstərib ki, uzunömürlülərin əksəriyyəti buz dövründən sonrakı ovçu-yığıcıların nəslindəndir.
Alimlər ömrün uzun olmasının genetik amillər, ətraf mühit və həyat tərzi ilə bağlı olduğunu bildiriblər.
